تعالوا نتذكر ايام زمان

العنف ايام زمان

أول درس في العنف لما كنا صغار هوغرفة الفيران...
وكانت أول درس في ثقافة العنف المكتسبةالغرفة الوهمية إلي كانو يهددونا فيا بالمدرسة[يعني كلام الانسة إللي بدي أسمعو عم يحكي بدي حطو بغرفة الفيران .....ااااااخ قديش زرنها

امان العنف النفسي اللي كان يتمارس من قبل الأهل
يعني الكلمات اللي كنا نسمعا دائماً
مثلاً : والله لأفرمك - والله لكسرك - بدي كسر ايديك - بدي اقبرك - بدي أهري نعمتك - اذامابسلخ جلدك عضمك ..................الخ
في مصطلحات عنف كانت تعتمد على الطب
والله لشيل عيونك - والله لطير راساك - والله لأقرف رقبتك وحملك ياها -
والله لأقص عصبك ( أو لسانك أو إيدك ) لا فرق ..... نصنا اتعلم الطب قبل
يدخل الكلية

في عنف مشتق من الكلام الوطني
والله لأطرأك كف خلي سنانك تمشي مسيرة قدامك
في عنف مشتق من الحيوانات
والله لخليك تقاقي ماتلاقي - والله لخليك تجعر متل الجعاري .... غير مقصودة خخخخ

وفي عنف رومانسي والله لفرجيك نجوم الضهر اللي صارت معروفة عنا أكتر من نجوم الليل
في عنف دبلوماسي أكيد عرفتوه
هو هديك اللحظة اللي بيجي فيا الوالد الكريم حامل معو صحن سيكارتو وبيقلنا:....
تعال بابا نتناقش بهدوء اعتبرني رفيقك
وبغباء الابن المعهود منصدق وبنحط رجل على رجل
وعند أول اختلاف وجهة نظر بيناتنا وبس نقول :بس يا بابا هاي وجهة نظري....
بيطفي الوالد سيكارتو وبيطلع نظرك بدال وجهة نظرك وبقول كلمتو المعهودة ...ولاك "...."صار عندك وجهة نظر !! سماع ولا نص نصيص
كبرت لما صغرت .. طلعت لما نزلت .. بضلك تحت هالـ"...."و مابيمشي غير اللي
أنا بقولو!! جيل اّخر زمن .. والله بطردك من البيت اي عال عال .....

حتىصار عنا عنف باعترافاتنا العاطفية
يعني اذا حبينا حدا منقلو.. تقبر قلبي - تطلع على قبري وغيرو كتير من المفردات الي مليانة عنف

وأخيراً
يقبرني يلي بدو يحط رد
لكم ودي

موضوع رائع لازم تكون عندنا الجراة باش نواجهو الحياة و نقولو وجهت نظرنا و نخلوهم يتقبلوها حتى اذا كانو الوالدين شكرا موضوع في غاية ال روعة

» زمان الأنترنيت و الشات صور مضحكة
» دعاء لشهر رمضان .. دعاء لكل يوم من ايام الشهر المبارك