اختر لاعبك والمفضل واعرف......

- هذا الزين بغيت وبغاني وبعسل النحلة سقيت احكيت لاهلي ولداري تمنيت -

- خرجت وحدي في الليل وخرجت الليل صعيبة نسيت المحنة وتفكرتك انت يا لحبيبة

- حنة يا حنة يا المعطرة بروايح الجنة ليديرك في يد يسعد ويتهنى

- يالي رايحين ادوني معاكم ماشي في خاطركم في خاطر الشباب لي معاكم

- جازت علي جني قالتلي واش تحوسي يا لبنية قلتلها ماني نحوس على مال ولا جاه راني نحوس على ما ضيعيت يرجع لي

- مانديها طويلة كسلوم الراشي ومانديها فقصيرة كالفكرون الماشي نديها عالية كلعلام الداي

- في الساقية الماء يجري والحشيش نايض متخالف وانا بالشوك مليت حجري من ذاك لراي التالف كي غبت غاب زهري ولا يجيني خايف

- الا انت بحر انا حوتة فيك والا انت جنان انا وردة فيك والا انت تبغيني انا نموت عليك

- الناس تتكلم بالاولاد والجاه وانا نتكلم بربي العالي

- انا غالية ومهري غالي واذا حبيت الغالي تحسب النجوم وتسهر الليالي والغالي يجيبلك البنات والذراري

- يا شمس يا الضاوية يا العالية في السماء لكان نلقاك مراية نشوف وجهي في ضواك يعود ربحي وغناي وقسمي سعدي ذاك

- نمشي موراك ونمشي قدامك نبقى نتالبك غير الله هداك

- عندنا شجرة معمرة بالياقوت وعندنا فوارة معمرة بالحوت اعطوني الطفل ولا نموت

- غرست ياسمينة وسط الدار يما يما شوفي ولد الجارالعين في العين والقلب شاعلة فيه النار

-جارتي يا جارتي واشبيك زعفانة اذا بيك على الفطور راني شعبانة واذا بيك على التحواس راني عيانة واذا بيك ازرق العين نديه غير انا

- قعدتنا زينة فيها الاحباب والانساب والبراني يقعد زاهي قدام الباب

- طلعت للسطح ودليت رجلي وطلبت من ربي العالي حبيبي يرجع لي

- بابا يا بابا تحت جناحك دفيني راهم جاوا الخطابة عندك تخليني ميمة يا لميمة شوفي واش يلزمني بدعوتك الحنينة نربح ونبني داري

- جاتني برية ما جيت نفتحها سالوا دموع من عيني

- حب الملوك يا حب الملوك يالي مصدر في وراق نموت على الحبيب ومنصبر على فراق

- نبعثلكم دموعي في مشوار الرزق نبعث كلامي في برية تنحرق و ماننساكم يا ناس مكة

- خرجت يوم الجمعة خرجت لي جنية قالت لي واشبيك يا لبنية حاجتك كلها راهي مقضية

- سافرت لكل مكان وعرفت رجال ونسوان لقيت مول الشر ندمان ومول الخير كسبان

- الدموع من العيون سيالة والقلوب دوارة وانا نتعذب ونقاسي ونقول وين حبابي ووين ناسي

- جايز على دارنايفسر في العكري قتلو يا شاب واش تحوس عندي قالي كي جي لالة عندي نفصللها قاط ذهب ونزيدلها من عندي

- الكاس لي شربت منو مازال نظيف والهناء لراه في بالك يكون في يوم مليح

- فرشت الفراش لفة على لفة وغلقت البا دفة على دفة وانشاء الله مصباحك عمرو ما يطفى

- دموع ذهب ودموع ياقوت عام يجي ابيض وعام اخضر وعام احمر ولي عندو الزهر دموع حياتو ما تهبط

- نوارك مر مثل الدفلى والحلاوة ما حسيت بها حبك يقرص مثل النحلة قالولي عليك خليها

- فاتو عليك لبنات وتقاسموا على الميزان وحدة دات حبها وحدة دات ذهب وانا اديت خوي ما يسوى قنطار ولا جبل ذهب

- جاري يا جاري بنتك شعلت ناري راني جايك للبيت نقصدك في الحديث

- جزت على ساقية لقيت الماء يولول قدامها ولد فحل انا بغيت وربي يكمل

- شجرة ياسمين نايضة في وسط الغرفة عروقها سكنجبير واغصانها قرفة والله ما ننساك يا زينة الوقفة

- يا شاغل بالي طول النهار ويا شاعل في قلبي النار قولي وقتاش نشوفك ويريح قلبي وقلبك ويزول لغرور من كلام الناس

- نسقسي عليك يا الحبيب وسؤالك خير من الف هنية ساعة على ساعة نفكرو ونقول علاه لتتمناه ماشي ليك

- خالتي يا خالتي شدي وليدك علي انا نمشي وهو يتبع ويعي في وليدك مانديهش انا عندي حبيبي ودايما يسقسي علي

- امنت بالله والمنام رؤية من عند ربي حمامة بيضة جات ترفرف علي معاها حصان توقف بين يدي

كمال غيلاس

- الخوخ طاب وحبيبي يكركر في برنوسو لو ماخوفي من خاوتي نطاطي ونبوسو

-هبطت لقاع البحرلقيت البحر غايس قتلواواشبيك غايس قالي وصلت للسفينة لقيتها بلا رايس